(+855) 12 990 988,
(+855) 99 990 988,
(+855) 70 990 988
#339A/B/C, St. 163, Sangkat Toul Tum Poung II, Khan Chamkarmorn,12311, Phnom Penh , Cambodia
General Educations / ការអប់រំផ្សេងៗ << Back

ការរលាករ៉ាំរ៉ៃ


date : 2019-06-01 23:39:13

ខ្លឹមសារសង្ខេប

លោកស្រីវេជ្ជបណ្ឌិតលីស្រីវីណាមានប្រសាសន៍ថា ​​ ស្ថិតិខ្លះបង្ហាញថា​ ​​ ៣% នៃការ​​រលាក​រ៉ាំរ៉ៃ និងខ្លះទៀតថា ១០%នៃ​​ការ​​រលាករ៉ាំរ៉ៃ ដែលមានរយៈ​ពេលវែង​​១០-២០ឆ្នាំឡើងលើ អាចនឹង​កើតទៅជាមហារីក ។

ការរលាក ទោះជារលាកនៅត្រង់កន្លែងណាក៏ដោយ ​ក្នុងរាងកាយយើង គឺវាអាច​រាល​ដាល​ទៅដល់​កន្លែង​ផ្សេងៗទៀត ​ បើវារ៉ាំរ៉ៃ គឺវាធ្វើ​ឲ្យ​រាងកាយ​យើងចុះខ្សោយ​បន្តិច​ម្តងៗ អាចនឹង​ឈឺ​រហូត ។​​ បើវា​ជ្រាបទៅ​ដល់​សរសៃឈាម​បេះដូង គឺរលាក​សរសៃ​ឈាមបេះដូង -ជ្រាប​ទៅដល់​សន្លាក់​គឺរលាក​សន្លាក់-ជ្រាប​ទៅដល់​ខួរ​ក្បាល ចំត្រង់កន្លែង​ដែលគ្រប់​គ្រងការគេងការភ្ញាក់​គឺធ្វើ​ឲ្យយើងមាន​ការលំបាក​នៅក្នុង​ការ​គេងៗ​មិនគ្រប់ គេងមិនស្ងប់ បើរលាក​នៅត្រង់កន្លែង​ផ្ទុក​ការ​ចងចាំ គឺយើង​ឆាប់ភ្លេច រកនឹក​មិនឃើញជាដើម។ល។

លោកស្រីវេជ្ជបណ្ឌិតធ្វើការប្រៀបធៀប ការរលាកថា វាប្រៀបបាននឹងដុំរងើកភ្លើង ដូច្នោះ​ដែរ ប៉ុន្តែ​នៅពេល​ដែលរកឃើញ គឺអាច​ការពារឬអាច​ពន្លត់វាបាន មុន​ពេលដែលវារាលដាល ឬកើត​មានបញ្ហាធំ ។  មូលហេតុនៃការរលាកមានច្រើន ក្នុងនោះ៖

-មូលហេតុងាយៗ​​ បណ្តាលមកពី​មានមេរោគផ្ទុកក្នុងខ្លួន  -មានរបួសស្នាម (ដួលបាក់បែក-មុតកាំបិត..)

-​មូលហេតុស្ងាត់ៗ បណ្តាលមកពីជាតិគីមីក្នុងបរិស្ថាន (ផ្សែងឡាន-ម៉ូតូ-ផេះ-គ្រឿងតុបតែង​ខ្លួន-​សម្អាតផ្ទះ...)-ញ៉ាំអាហារបង្កជាអាស៊ីដ-ប្រតិកម្មចំណី​អាហារ-ចម្អិនអាហារធ្វើឲ្យខូចគុណភាព

និងជាពិសេសបណ្តាលមកពីអាហារដែលមានជាតិស្ករច្រើនពេក និងការឆ្លងមេរោគបង្កជំងឺ ដែលមិនមានរោគសញ្ញា ដូចជា(HPV)

រោគសញ្ញា

-រោគសញ្ញាងាយៗ យើងឃើញ-ដឹង -មានអារម្មណ៍ថាឈឺ-ក្តៅ-ហើម-ពិបាកធ្វើចលនា

-រោគសញ្ញាស្ងាត់ៗ

-អស់កម្លាំងល្ហិតល្ហៃ-គេងមិនងាយលក់-គេងលក់មិនស្កប់​-ភ្លេចឬវង្វេង-​ឆេវឆាវខុសទំនង-បាក់ទឹកចិត្ត-អស់សង្ឃឹម-ក្តៅខ្លួនស្ទិញៗ(វាស់កម្តៅឃើញធម្មតា តែសាមីខ្លួនមានអារម្មណ៍ថា ខ្លួនឯងក្តៅស្ទិញៗ)-ស្ពឹក ក្រហាយ រមាស់-ឃ្លានមិនឈប់ ញ៉ាំហើយឃ្លានទៀត -តឹង -រឹង ពិបាក​ក្តាប់ដៃ ពិបាកធ្វើចលនារាងកាយ-ឡើងទម្ងន់មិនឈប់ ជាដើម។ល។

និងចំពោះក្មេង គឺធ្វើឲ្យក្មេងរពឹសខ្លាំង (រពឹសមិនសមហេតុផល)​

វិធីបង្ការ និងព្យាបាលការរលាក

-ធ្វើតេស្តរុករកមូលហេតុបង្កការរលាក ហើយធ្វើការព្យាបាលទៅតាមមូលហេតុ

-កាត់បន្ថយ ឬជៀសវាងជាតិគីមីក្នុងបរិស្ថាន -កាត់បន្ថយអាហារដែលមានថាមពល​ខ្ពស់​-​បង្កការរលាក-ញ៉ាំអាហារបន្សាបការរលាក-បន្សាបជាតិពុល

-ហាត់ប្រាណតាមរបៀប Yoga ឬ Tai Chi ឬ ធ្វើសមាធិ-ស្តាប់ភ្លេង- កាត់បន្ថយស្ត្រេស

(ធ្វើដំណើរកម្សាន្ត)-រស់នៅតាមរបៀបធម្មជាតិ ឬចំណាយពេលជាមួយធម្មជាតិ

-ចៀសវាងហាត់ប្រាណនៅតាមទីសាធារណៈ

-សម្អាតផ្ទះដោយប្រើផលិតផល Airbiotic...

ដើម្បីជ្រាបលំអិត សូមស្តាប់​កម្មវិធីកូនសោរ​សុខភាព “ការរលាក ” ដើម្បីអាចរកដំណោះស្រាយ បង្ការ​ និងស​ចៀសវាងបាន


អត្ថបទ ៖ admin