(+855) 12 990 988,
(+855) 99 990 988,
(+855) 70 990 988
#339A/B/C, St. 163, Sangkat Toul Tum Poung II, Khan Chamkarmorn,12311, Phnom Penh , Cambodia
General Educations / ការអប់រំផ្សេងៗ << Back

ការឡើងកម្រិតជាតិអាស៊ីតអ៊ុយរិកតាមរបៀបថ្មី


date : 2019-08-08 01:25:44

អត្ថបទសង្ខេបៈ(ភាគ១)

លោកស្រីវេជ្ជ.លីស្រីវីណាមានប្រសាសន៍ថា ការឡើងកម្រិតជាតិអាស៊ីតអុយរិក អាច​ជា​រងើក​​ភ្លើង​មួយ​​ដែល​អាចកើតមានជម្ងឺជា​ច្រើន​មុខ ដែលមានអ្នក​​ខ្លះ​មិន​ខ្ចី​ឈឺ, និងអ្នកខ្លះទៀតឈឺ​ហើយ​ពិបាក​ណាស់ ដូចជា-សឹករិចរិលក្រពះពោះវៀន​ -មានវិបត្តិរំលាយ​អា​ហារ -​ខ្សោយ​​តម្រង​នោម-លើស​​ឈាម-​ឡើង​សម្ពាធ​ឈាម -លើសជាតិខ្លាញ់ -លើសជាតិស្ករ -ខ្សោយ​បេះ​​​​ដូង​-ខូច​ខាត -​រលាក​សន្លាក់សាច់​ដុំ​ជាដើម ​និង​​​​មានពេល​ខ្លះវា​បង្ក​ទៅជា​ជម្ងឺរ៉ាំរ៉ៃ​គ្រប់កន្លែង​ ដែលពេល​​ខ្លះវា​​អាចចង្អុល​បង្ហាញ​ថា អាច​កើត​មហា​រីក​ទៅ​ថ្ងៃ​ក្រោយ នៅពេលដែលយើង​ធ្វើ​ព្រងើយ ។

ឆ្លងតាមការពិនិត្យសុខភាពប្រចាំខែ-ឆ្នាំ​ ក្នុងចំណោម​មនុស្សប្រមាណ​ជា ៨០% ឧស្សាហ៍​ឃើញ​ឡើងជាតិស្ករ-ខ្លាញ់-អាស៊ីត ធ្លាក់​ស្តុក​បន្សាបគីមី -ធ្លាក់​ស្តុក​បន្សាប​អាស៊ីត​-​លើស​ឈាម-អ្នក​ខ្លះទៀត​អស់​​​កម្លាំងរ៉ាំរ៉ៃ-ញ័រទ្រូងជាដើម។ ក្រៅពីនេះអ្វីដែលគួរឲ្យចាប់​អារម្មណ៍​ គឺមាន​​ពេលខ្លះកម្រិត​​ជាតិអាស៊ីត​​អ៊ុយរិកមិនឡើងខ្លាំងទេ  តែ​​កម្រិតជាតិអាស៊ីតដទៃទៀតឡើង។

របកគំហើញថ្មីៗបានបង្ហាញថា ការឡើងកម្រិតជាតិអាស៊ីតអុយរិក គឺមិនបណ្តាល​មក​តែពីការ​ញុំា​​​ចំណីអា​ហារ​​ដែល​មានជាតិអាល់​កុល ​-សាច់​ក្រហម​ច្រើនពេក ឬគីមី​ដែលចូល​តាម​ច្រមុះ-តាម​​ស្បែក​​តែ​​ប៉ុណ្ណោះទេគឺឡើងដោយសារ​ជាតិស្ករហ្វ្រុត្តូសដែលមាននៅក្នុងផ្លែឈើ ​ដែល​យើង​ញុំា​ច្រើន​​ពេក​ដែរ។

ដើម្បីបង្ការក៏ដូចជាដើម្បីទប់ស្កាត់ លោកស្រីវេជ្ជបណ្ឌិតណែនាំថា គឺត្រូវតែតម​អា​ហារដែល​មាន​ជាតិអាល់កុល -កុំបរិភោគសាច់ក្រហមច្រើនពេក កាត់បន្ថយការញុំាផ្លែ​​ឈើ ឬអាហារ​ដែល​​ជាតិស្ករ​​ ផ្លែ​ឈើ​​ដែលមានជាតិស្ករហ្វ្រុត្តូសច្រើនពេក​ ដូចជា (ស្វាយទុំ​-ចេកទុំ-ធូរ៉េន-ល្មុត​-សៅម៉ៅ​-មៀន​-ខ្នុរ)​ទឹក​ឃ្មុំជា​ដើម​ ​និងជាពិសេស​ផ្លែពោត​-និងស្ករពោត។

 

លោកអ្នកអាចរកដំណោះស្រាយ និងអាច​រកវិធីចៀសវាងបាន សូមអញ្ជើញស្តាប់កម្មវិធីកូនសោរសុខភាព ស្តីអំពី  ការឡើងជាតិអាស៊ីតអ៊ុយរិក តាមរបៀបថ្មី

 

អត្ថបទសង្ខេបៈ(ភាគ២)

លោកស្រីវេជ្ជ.លីស្រីវីណាមានប្រសាសន៍ថា ជាធម្មតារាងកាយរបស់មនុស្សឲ្យតែរស់រានមាន ជីវិត គឺមានប្រតិកម្មជាច្រើន មានការប្រើ​ប្រាស់ជាតិសាច់ដើម្បីយកទៅទ្រទ្រង់ប្រតិកម្មគីមីជាច្រើន ដើម្បីទ្រទ្រង់ជីវិត និងគុណភាពជីវិត ហើយ​ប្រតិ​កម្មទាំងអស់នោះ តែងតែនៅសល់កាកសំណល់ខ្លះ គឺជាអាស៊ីតអ៊ុយរិក។ តាមការសង្កេតក្នុងចំណោមមនុស្ស១០០នាក់ មានប្រហែលជា៨០នាក់ ពិបាក​នៅក្នុងការបត់​ជើង​ ហើយហើមពោះ​-អស់កម្លាំង-គេងមិនលក់-កើតវិបត្តិផ្លូវចិត្ត-ឆាប់ភ័យ-ខ្លាច​​-ឆាប់ស្លុត និងមានអ្នកខ្លះទៀតពាក់ព័ន្ធរហូតដល់ការផលិត​អរមូន ធ្វើឲ្យធ្លាក់អរមូន ដែលទាំងបុរស-​ស្រ្តី​គឺពិបាក​ធ្វើជាមនុស្សប្រុស-មនុស្សស្រីឲ្យពេញលក្ខណៈ-ពេញគុណភាពជីវិតណាស់។

លោកស្រីវេជ្ជ.ណែនាំថា  ថ្វីត្បិតតែផ្លែឈើមានជាតិស្ករហ្វ្រុត្តូស តែវាក៏មិនអាក្រក់ពេកនោះទេ  បើ​យើងញុំាវាតិចល្មម យើងអាចបានជាប្រយោជន៍ ឧ.ដូចជាផ្លែស្វាយ បើយើង​ញុំាតិច១-២ចំណិត យើង​អាចនឹងបានអាហារសរសៃចេញពីវា  ហើយក៏អាចបានស្ករតាមវិធីធម្មជាតិខ្លះ ​ ដើម្បីយកមកផលិតជា​ថាម​ពលចិញ្ចឹមរាងកាយយើង បំលែងវាឲ្យទៅជាខ្លាញ់ខ្លះ  អាស៊ីតខ្លាញ់ខ្លះ​ យកទៅចិញ្ចឹមសាច់ដុំ​បេះ​ដូងយើង។

វិធីរុករកគឺ៖ -ត្រូវមើលមូលហេតុទាំងអស់ (ជាតិអាល់កុល-សាច់ច្រើនពេក-ស្ករហ្វ្រុត្តូសច្រើន ពេក-មេរោគក្រពះពោះវៀនដែលធ្វើឲ្យសឹករិចរិលគ្រប់កន្លែងក្នុងរាងកាយ-គីមីដទៃទៀត-ការអាលៀហ្ស៊ី ដែល​ធ្វើ​ឲ្យ​សឹក​​រិចរិល ដែលទីបំផុតវាបង្កើតឲ្យទៅជាអាស៊ីតអុយរិក ហើយបញ្ចុះវាឲ្យទាប ទោះជាមិន​បាន​ញុំាអ្វីក៏ដោយ ឲ្យតែវានៅតែកើនឡើងចេញ​ និយាយរួមគឺត្រូវរកឲ្យឃើញមូលហេតុទាំងអស់​ ហើយ​ដក​ចេញ ជារូមគឺត្រូវរុករកទាំងលើស និងខ្វះផងដែរ​។

 *តាមធម្មតានៅពេលដែលគ្រប់គ្រងអាស៊ីតអ៊ុយរិកបាន គឺគ្រប់គ្រងបានទាំងខ្លាញ់ ទាំងស្ករផងដែរ។

លោកអ្នកអាចរកដំណោះស្រាយ និងអាច​រកវិធីចៀសវាងបាន សូមអញ្ជើញស្តាប់កម្មវិធីកូនសោរសុខភាព ភាគបន្ត ស្តីអំពី  ការឡើងជាតិអាស៊ីតអ៊ុយរិក តាមរបៀបថ្មី

 

អត្ថបទសង្ខេបៈ(ភាគ៣)

លោកស្រីវេជ្ជ.លីស្រីវីណាមានប្រសាសន៍ថា ជា​ធម្មតា ក្នុងខ្លួន​មនុស្ស គឺបុរស កម្រិតអាស៊ីតអ៊ុយ ​រិក​មាន​ .០ ចំណែកឯស្ត្រីវិញគឺមិនឲ្យលើសពី.០ឡើយ ។

អ្វីទៅអាស៊ីតអ៊ុយរិក ?

ជាធម្មតា​ រាងកាយរបស់មនុស្សឲ្យតែរស់រានមានជីវិត គឺមានប្រតិកម្មជាច្រើន ដើម្បីទ្រទ្រង់ជីវិត​ ​និងគុណភាពជីវិត  ដែលប្រតិកម្មទាំងអស់នោះតែងតែនៅសល់កាកសំណល់របស់វាខ្លះ ដែលជាអាស៊ីត​អ៊ុយរិក ។ អាស៊ីតអ៊ុយរិក គឺជាជាតិគីមីមួយនៅក្នុងឈាមរបស់​យើងដែលប្រាប់យើង​ថា ដំណើរ​ការរាងកាយ​របស់យើងប្រក្រតី ឬក៏ខុសប្រក្រតី  ឬក៏ដើររអាក់​រអួល ឬដើរមិនគ្រប់គ្រាន់ គឺមាន​បញ្ហាធំ ។ បើវាលើសវិញ គឺវានឹងមិនរលាយក្នុងឈាមទាំងស្រុងនោះទេ គឺវានៅសល់ ដែលជាគ្រាប់គ្រីសស្តាល់តូចៗនិងភាពជាអាស៊ីតរបស់វា ។ ផលវិបាករបស់វា គឺធ្វើឲ្យខូចគ្រប់កន្លែង គឺវាចាក់-សឹករិចរិលជាដើម​

លោកស្រីវេជ្ជបណ្ឌិតលីស្រីវីណាមានប្រសាសន៍ថា មិនអាចបញ្ចុះកម្រិតជាតិអាស៊ីតអុយរិកឲ្យអស់បាននោះទេ តែដើម្បីអាចទប់លំនឹង និងការកើន​ឡើងនូវកម្រិតជាតិអាស៊ីតអុយរិកបាន​គឺ៖

ទី១-ចំណីអាហារ ឲ្យមានលំនឹង,ទី២-ប្រព័ន្ធបញ្ចេញចោល ឲ្យមានលំនឹង និងទី៣-កុំឲ្យមាន​អា-​ ស៊ីតដទៃទៀត គឺតម្រងនោមរបស់យើងត្រូវទប់លំនឹងអាស៊ីតដទៃទៀត  រួមជាមួយចំណុចសំខាន់បីទៀតដែលត្រូវតែ១-មិនត្រូវមានមេរោគ ,២-មិនត្រូវមានគីមី​និង៣-កុំឲ្យមាន​អាលៀហ្ស៊ី  ព្រោះថា​បើមានករណីទាំងបីនេះចូលជ្រៀតជ្រែកហើយ ទោះជារាងកាយយើង តម្រងនោមយើង ពូកែយ៉ាងណាក៏ដោយ ក៏មិនអាចទប់លំនឹងអាស៊ីតបានដែរ ដែលនៅទីបំផុត ទោះបីជាអាស៊ីតអ៊ុយរិកតិច ក៏យើងនៅតែឈឺ គឺបើមិនឈឺដោយសារ​អាស៊ីតអុយរិក ក៏អាចឈឺដោយសារអាស៊ីតដទៃទៀតដែរ។

ក្រៅពីត្រូវមើលអំពីមូលហេតុទាំងអស់ដែលធ្វើឲ្យអាស៊ីត​អ៊ុយរិកឡើង​ ហើយធ្វើការ​​បញ្ចុះ​វាឲ្យ​ទាប​ ដើម្បីកុំវាទៅឈូស​ កុំឲ្យវាខូច ជាដើម។ល។ហើយ ​គឺ​​ត្រូវមើលទាំង​ជាតិ​អាល់កុល-សាច់-ស្ករ​​  ​ហ្រ្វុត្តូស-គីមីដែលធ្វើឲ្យអាលៀហ្ស៊ី រួមនិងមេរោគគ្រប់ប្រភេទហើយ​​ គឺត្រូវមើលទាំងការធ្លាក់ចុះកម្រិតជាតិអាស៊ីតផងដែរ ។ 

ជាមួយគ្នានោះ លោកស្រីវេជ្ជ.មានប្រសាសន៍ថា ដើម្បីគ្រប់គ្រងជាតិអាស៊ីតអ៊ុយរិក និងដើម្បី​​    បញ្ជៀសនូវផលវិបាកទាំងឡាយដែលបង្កឲ្យមានការកើនឡើង និងការធ្លាក់ចុះ កម្រិតអាស៊ីតអ៊ុយរិក ដែលជាមូលហេតុនាំឲ្យការកើតមហារីកដោយមិនដឹងខ្លួន ព្រមទាំងដើម្បីបង្ការការពារការខូចតម្រងនោម -ខ្សោយតម្រងនោមជាដើម ដោយមិនដឹងខ្លួន ជារួមគឺលោកស្រីវេជ្ជបណ្ឌិតបានធ្វើការឆែកពិនិត្យ៤-៦ដងក្នុងមួយឆ្នាំ ព្រោះថានៅពេលដែលយើងគ្រប់គ្រងកម្រិតជាតិអាស៊ីតអ៊ុយរិកបាន គឺយើងអាចគ្រប់គ្រងបានទាំងខ្លាញ់ ទាំងស្ករ ។ សុខភាពយើងនឹងល្អ គុណភាពជីវិតយើងនឹងល្អប្រសើរជាក់ជាមិនខាន ។

លោកអ្នកអាចរកដំណោះស្រាយ និងអាច​រកវិធីចៀសវាងបាន សូមអញ្ជើញស្តាប់កម្មវិធីកូនសោរសុខភាព ភាគបន្ត ស្តីអំពី  ការឡើងជាតិអាស៊ីតអ៊ុយរិក តាមរបៀបថ្មី 


អត្ថបទ ៖ admin