(+855) 12 990 988,
(+855) 99 990 988,
(+855) 70 990 988
#339A/B/C, St. 163, Sangkat Toul Tum Poung II, Khan Chamkarmorn,12311, Phnom Penh , Cambodia
General Educations / ការអប់រំផ្សេងៗ << Back

វិបត្តិនៃការគេង ឬជម្ងឺគេងមិនលក់


date : 2019-09-22 23:07:53

អត្ថបទសង្ខេបៈ

ស្ថិតិពិភពលោក​បានឲ្យដឹង​ថា មនុស្ស​​ដែល​មិន​​បាន​​​ដឹង​​ថា ខ្លួន​​មានវិបត្តិ​នៃការគេង ឬជម្ងឺគេង​មិន​លក់​​​អាច​​មាន​ពី៣០-៥០% ហើយអ្នក​ដែលអាចដឹង​ថា​​​​ខ្លួន​មាន​វិបត្តិ​​នៃ​​​​ការ​​​គេង​នៅប្រទេសខ្លះ​គឺអាច​​​មាន៩% និង​ខ្លះ​​ទៀតមានរហូត១៥%​ ដែលឈានដល់ថ្នាក់ញុំា​ថ្នាំ​ងងុយ​គេង​ជាប្រចាំ ។ 

​លោកស្រីវេជ្ជបណ្ឌិតលីស្រីវីណាបានមានប្រសាសន៍​ថា វិបត្តិ​នៃការគេង ឬជម្ងឺគេងមិនលក់​ អាច​ធ្វើ​​ឲ្យ​​យើងអស់កម្លាំងល្ហិតល្ហៃ ពិបាកនឹង​ប្រមូល​អារម្មណ៍ធ្វើ​កិច្ចការអ្វីមួយ ភ្លេច​មុខ​ភ្លេច​​ក្រោយ​ បាត់បង់​ភាព​ឈ្លាសវៃ ប្រសិទ្ធ​ភាព​ការងារនឹងធ្លាក់ចុះ អារម្មណ៍​មិន​នឹងន៎ ឆេវឆាវ​ ឆាប់​ភ័យ ឆាប់បាក់​ទឹក​ចិត្ត និង​ពេ​​លខ្លះទៀត​ធ្វើ​ឲ្យយើងខ្ជិល​ខ្ជីរខ្ជា ​​​​ឬឃ្លាន​រហូតគិតតែពីញុំារហូតធ្វើឲ្យឡើង​គីឡូ ឈានដល់​ការ​កើត​​មាន​ជម្ងឺជាច្រើន។ 

វិបត្តិនៃការគេង ​ឬជម្ងឺគេងមិនលក់  មានសញ្ញា ដូចជា​

- ​គេងយ៉ាង​យូរទម្រាំនឹងបិទ​ភ្នែក​​លក់​,​ 

-​ប្រាស់​ខ្លួនគេងហើយលក់ភ្លាម​ ប៉ុន្តែ​មិន​​​បាន​ប៉ុន្មាន​ម៉ោងផងក៏ភ្ញាក់ ហើយនៅ​ពេលដែល​ភ្ញាក់​ហើយទម្រាំគេង​​លក់​​វិញគឺ​ពិ​បាកណាស់

-ខ្លះទៀតគេង​លក់ភ្លាម មិនមានផលរំខានធ្វើឲ្យ​ភ្ញាក់​កណ្តាល​យប់ទេ ប៉ុន្តែពេលភ្ញាក់​ហើយគឺ​អស់​កម្លាំងទាំងព្រឹក ​ឬក៏ដល់ពេលរសៀលមួយកំ​ណាត់​ថ្ងៃក៏មាន ទោះជាគេបានគេងបាន​៨ម៉ោង​​រហូត១០​​​ម៉ោង​ហើយក៏ដោយ

 -អ្នកខ្លះទៀត ​ងងុយគេងរហូត គឺដាក់លក់ៗ ហាក់​បីដូចជាមិនបានគេង​ដូច្នោះដែរ ។

ដើម្បី​កុំឲ្យកើតមានវិបត្តិនៃការ​គេង លោកស្រីវេជ្ជបណ្ឌិត លី ស្រីវីណា បានផ្តល់ការណែនាំថា ​​ត្រូវ​គេង​ឲ្យបាន​ត្រឹម​ត្រូវគ្រប់គ្រាន់ ដែលយ៉ាងហោចណាស់​ឲ្យបាន៦ម៉ោង/១ថ្ងៃ​​ ​ ដោយគោរព​តាមលក្ខខណ្ឌ​ពីរ៖

 គឺទី១-ត្រូវគេងក្នុង​ពេលដែល​ព្រះ​អាទិត្យលិច ស្រប​ទៅនឹងដំណើរ​របស់​ព្រះ​អាទិត្យ​​ ទោះជា​​នៅ​កន្លែងណា​​​ប្រទេស​​ណា​​ក៏​​ដោយ ដែលមិនមែន​ចាប់ផ្តើមគេងនៅពេល​រៀប​ភ្លឺ ឬក៏គេងនៅ​ពេល​ភ្លឺ ​ហើយ​​ក្រោក​នៅម៉ោង១០ ​ឬក៏ពេល​ព្រឹក​​ ហើយរាប់បង្ក្រប់ម៉ោងនោះទេ។

-ចំណែក​នៅក្នុងលក្ខ​ខណ្ឌទីពីរ គឺក្នុងរយៈ​ពេល​៦​ម៉ោងនៃការគេង ​​នៅពេលដែលភ្ញាក់ដឹង​ខ្លួនកុំ​​ឲ្យលើស​ពី១០នាទីដែរ។

“ គេងពីព្រលប់​ ភ្ញាក់ពីព្រលឹម ចាំមើលព្រះអាទិត្យរះ អាយុយឺនយូរ សល់ទ្រព្យសម្បត្តិច្រើន​ ”


 លោកអ្នកអាចរកដំណោះស្រាយ និងអាច​រកវិធីចៀសវាងបាន សូមអញ្ជើញស្តាប់​កម្មវិធីកូនសោរ​សុខភាព វគ្គបន្តស្តីអំពី  វិបត្តិនៃការគេង ឬជម្ងឺគេងមិនលក់ 


អត្ថបទ ៖ admin