សុខភាពក្រពះពោះវៀនជាសុខភាពខួរក្បាល និងសុខភាពផ្លូវចិត្ត

: 2021-03-30 03:55:22

ក្រុមវេជ្ជបណិ្ឌត ប្រចាំ​គ្រួសារ​បាន​រក​ឃើញ​នូវ​អំណះ​អំណាង​ថា ការផ្ទុក​មេរោគ Giardia Lamblia ក្នុង​ពោះវៀន ធ្វើឲ្យ​មនុស្ស​មាន​បញ្ហា​សុខភាព ដូចជាឧស្សហ៍​ចុក ឆ្អល់ពោះ ការបន្ទោរ​បង់​ខុស​ប្រក្រតី​ម្តង​រាគ ម្តងក្តៀន អស់​កម្លាំង​ល្ហិតល្ហៃ​ជាប្រចាំ ឧស្សាហ៍​ភ្លេច​ភ្លាំង និង​មាន​បញ្ហា​សុខភាព​ផ្លូវ​ចិត្ត រីឯក្មេងៗ​មិន​លូត​លាស់​ផ្នែក​រាងកាយ និង​ប្រាជ្ញា។

គេរកឃើញថា ៤៧% នៃ​អ្នក​ផ្ទុក​មេរោគ​នេះ ក្នុង​អំឡុង​ប្រមាណ​ជា ៣ឆ្នាំ មានបញ្ហាសុខភាពដូចខាងលើ។

មេរោគ Giardia Lamblia នេះ ឆ្លង​តាម​ដៃ​កខ្វក់ ទឹក ឬ អាហារ​កខ្វក់។ មេរោគ​នេះ​បើ​រស់នៅ​ក្នុង​ទឹក លុះត្រា​តែដាំទឹកឲ្យពុះ ហើយឲ្យពុះ ៥នាទី ទើបវាងាប់ ប៉ុន្តែបើយើងទទួលទានទឹកសុទ្ធ ដែលគេចំរោះរួច នោះ​មិន​មាន​មេរោគ​នេះទេ លុះត្រា​តែ​យើង​ចាក់​ទឹក​សុទ្ធពី​ដបចូល​កែវ​ដែល​កខ្វក់។ ដូច្នេះដើម្បី​កាត់​បន្ថយ​ការឆ្លង​មេរោគ​នេះ វេជ្ជបណ្ឌិត លី ស្រីវីណា មានប្រសាសន៍ថា គួរញុំាទឹកសុទ្ធពីក្នុងដប (មិនចាំបាច់ចាក់ចូលកែវ ឬប្រើទុយោទេ)។

អត្ថបទ ៖ admin